«Mer spränge dr Raame»: Das isch d Blaggedde 2017

Kreiert worde isch d Blaggedde vom gliche Grafiker, wie au scho im letschte Joohr, vom Guido Happle. Zum erste Mol  isch au e ganzi Gugge uf dr Blaggedde abbildet. s’Motto “Mer spränge dr Raame” spielt uf dr Neubau vom Kunstmuseum a. Dr Altag isch dr Rahme, in däm mir uns s ganze Johr bewege. Und dä Rahme wird während dr Fasnacht gsprängt. indem mir usem Gwohnte ausbräche, im Alltag entflieh. D Blaggedde wird ab em 7. Januar verkauft.

Mer spränge dr Raame
S Kunschtmuseum darf sich zaige

Bijou CHF 100.00 Gold CHF 45.00 Silber CHF 18.00 Kupfer CHF 9.00

Bijou CHF 100.00
Gold CHF 45.00
Silber CHF 18.00
Kupfer CHF 9.00

und d Frau Fasnacht sich vernaige
mit me Helge und em Raame
macht d Blaggedde soo Regglaame
Wie soll au e Raame länge
denn d Frau Fasnacht duet en spränge
D Harlekin mit vyl z vyl Pfuus
laufen iber d Kupfer uus
D Gugge schränze mit vyl Gwicht
bis dr silbrig Raame bricht
D Wäägeler hänns in dr Hand
gsprängt wird au dr goldig Rand
S Bijou sprängts au grad e bitz
D Schnitzelbänggler sinn so spitz
D Fasnacht blitzt do wirgglig duure
D Waggis hänn e frächi Schnuure
Scharfi Pointe bruuchts no mee
oder schimpft denn s Comité
Nai, dasch lätz, die schwarze Raabe
sinn jo au nit Waiseknaabe
Waisch wiesoo, du d Larve draisch
dass du alle alles saisch
Mach kai Booge me um Draame
Bebbi, spräng du soo dr Raame
Guet het das dr Müller gmacht
Die Blaggedde isch e Pracht
Alli vier sinn ganz verschiide
sait dr Guido Happle zfriide
Nimmsch du aini, heersch scho s Gschrei
Loos, dir fääle jetz no drei
S Fasnachts-Comité sait salli
Kaufet bitti daas Joor alli

295096475_article_text